Beste minsen,
Allereerst willen wij jim allemoal hartelek bedanken veur jimme metwarking aan t Streektoal project Grootegast.
Wat de streektoal betreft stijt de gemeente Grootegast met al zien 10 dörpen nou op e koart!
Of liever zeid, zit ien t archief van e universiteit ien e Stad.
Wij hemmen alle 64 opnoames aan Siemon Reker geven, zodat hij ien e toekomst, soamen met zien studenten onderzoek doen kin noar onze prachtege toal.
Veur Geesje en mij was t een geweldege ervoaring. We werden overal hiel gastvrij onthoald en wij hemmen genoten van de prachtege verhoalen.
De oldere minsen hemmen veul over vroeger verteld en e jongere generoatie over t waark en hun hobby’s.
De allerjongsten hemmen vol vuur over hun hobby’s en over school verteld, prachteg!
Der waren vierenzesteg deelnimmers, de oldste was van 1933 en de jongste van 1992.
Nou willen wij der, ien soamenwarking met de Culturele Road n cd van moaken loaten.
Veurdat dat zo ver is moe-we uutzoeken welke verhoalen op e cd kommen.
We hemmen uren aan opnoames dus we moet schiften, dat wordt n hiele klus.
As wij alles kloar hemmen heuren jim weer van ons, nogmoals hartelek bedankt veur jimme bijdroagen op wat veur manier dan ok.
Streektoalprojectgroep Grootegast,
Geesje Vos & Alie de Vries
